Back

ⓘ ភូមិរលួស ឃុំតាំងយ៉ាប. ភូមិរលួសជាភូមិមួយដែលស្ថិតនៅក្នុង ឃុំតាំងយ៉ាប ស្រុកព្រៃកប្បាស ខេត្តតាកែវ។ភូមិនេះប្រជាជនមានជីវភាពមធ្យម មានប្រជាជនប្រកបរបរជាកសិករ ជាអាជីវករលក ..




                                     

ⓘ ភូមិរលួស(ឃុំតាំងយ៉ាប)

ភូមិរលួសជាភូមិមួយដែលស្ថិតនៅក្នុង ឃុំតាំងយ៉ាប ស្រុកព្រៃកប្បាស ខេត្តតាកែវ។ភូមិនេះប្រជាជនមានជីវភាពមធ្យម មានប្រជាជនប្រកបរបរជាកសិករ ជាអាជីវករលក់ដូរ ជាមន្រី្ត​រាជការត្បាញហូល។ការប្រកបរបរកសិករគឺដាំដុះទៅលើផ្ទៃដី៦០០ហិចតា ក្នុងឆ្នាំនេះប្រជាជនបានទទួល ទិន្នផលកើនជាងឆ្នាំកន្លងទៅ។ ហើយនៅក្នុងភូមិគឺកំពុងតែសាងសង់ប្រឡាយទឹក និង​ ជីកអណ្ដូងជាច្រើន ប្រព័ន្ធធារាសាស្រ្ត​ សំរាប់ធ្វើស្រែប្រាំង ដើម្បីធ្វើអោយប្រជាជនទទួលបានទិន្នផល់ខ្ពស់ និងមានជីវភាពធូរធារ។ចំនែកឯអាជីវករលក់ដូរវិញ ឃើញថាសេដ្ឋកិច្ចគ្រួសារមានសំទុះយ៉ាងខ្លាំង​​ ព្រោះការប្រកបរបរនេះមានការរៀបចំសមល្មមងាយស្រួលរកស៊ីជាងរបរផ្សេងៗ​ និងមានអាជីវកម្មក្នុងផ្សារតាកែវ ចំនែកឯមន្រ្តីរាជការវិញ រយះពេលប៉ុន្មានឆ្នាំនេះមានសំទុះរីកចំរើនគួរអោយគាត់សំគាល់ ជាពិសេស គ្រូបង្រៀន ប៉ូលីស ទាហាន និង ធ្វើការនៅអង្គការផងដែរ ព្រោះយុវជន យុវនារីបានរៀនច្រើន និងមានចំណេះដឹងច្រើនផងដែរ។ភូមិរលួស មានប្រជាជន​ចំនួន ៥៧៨​ នាក់ ។ និងមាន ១៨២​ គ្រួសារ ។ ក្នុងនោះស្រីចំនួន ២៩៧​ នាក់ និង ប្រុសចំនួន ២៨១នាក់ ហើយស្រីវ័យក្មេង ដល់វ័យកណ្ដាល ចំនួន ២០២នាក់ និងស្រី្តវ័យចាស់ ចំនួន ៩៥ នាក់ ហើយមនុស្ស ប្រុស វ័យក្មេង និងដល់វ័យ កណ្ដាល ចំនួន ១៦៥នាក់ ហើយវ័យចាស់ ដល់ វ័យ ចំនាស់ចំនួន ១១៦នាក់៕ អ្នកភូមិប្រកបរបរធ្វើស្រែ និង ត្បាញហូល។

                                     

1. ប្រវត្តិសាស្រ្ត

ភូមិរលួសជាភូមិដែលមានវ័យចំណាស់មួយពីដំបូងឡើយកក្នុងភូមិសម្បូព្រៃឈើជាច្រើនតែដោយសាតែប្រជាជនកាប់ឆ្ការដើម្បីយកដីសងលំនៅដ្ឋាននិង ធ្វើ ស្រែ ។ កាលពីមុនបានកាត់ចូលរវាងភូមិតូចៗ៣នៅក្នុងនោះរួមមានភូមិព្រៃរលួស ភូមិព្រៃធំ និង ភូមិនគរឃ្លោកដោយភូមិទាំនេះមានលក្ខណះតូចៗទើបគេចាត់វាចូលជាភូមិតែមួយគឺភូមិរលួស។ ហើយបច្ចុប្បន្នភូមិរលួស ប្រជាជនអ្នកខ្លះហៅថាភូមិព្រៃធំ អ្នកខ្លះហៅថា ភូមិនគរឃ្លោក និងភូមិរលួស ។

                                     

2. សេដ្ឋកិច្ច

សេដ្ឋកិច្ចភូមិរលួសតាំងពីដើមប្រជាជនភូមិនេះប្រកបរបរធ្វើស្រែនិងត្បាញហូលជាដើម។ល។ បច្ចុប្បន្ននេះប្រជាជនភូមិនេះមានការបង្កើនមុខរបរបន្ថែមដូចជាត្បាញហូល ធ្វើនំតាមរដូវនិងមានការលក់ដូរធ្វើរោងចក្រ ។ បើប្រៀបធៀបប្រជាជនតាំងពីមុនមកបច្ចុប្បន្ននេះមានជីវភាពធូរធារច្រើនណាស់​។កាលពីឹឆ្នាំ២០១៤ ។ ការប្រមូលផលគឺមានការមានការកើនឡើងខ្ពស់ជាលំដាប់ រហូតដល់ឆ្នាំ ២០១៦​ មានការធ្លាក់ជាលំដាប់ពីព្រោះអាកាសធាតុមិនអំណោយផល ហើយកសិករធ្វើស្រែដោយពឹងផ្អែកលើទឹកភ្លៀង ហើយប្រជាជនមួយចំនួនធ្វើស្រែដោយការជីកអណ្ដូងដើម្បីយកទឹកមកធ្វើស្រែអោយបានគ្រប់គ្រាន់ ។

                                     

3. វប្បធម៌

ភូមិ ប្រជាជនភាគច្រើនដែលកាន់ព្រះពុទ្ធសាសនាតែងតែប្រាស្រ័យទាក់ទង់ ជួយទុក្ខទុរះគ្នាទៅវិញទៅមកដូចជាក្នុងពិធីរៀបអាពាពិពាហ៌ ក្នុងពិធីបុណ្យទាននឹងពិធីបុណ្យដទៃទៀតដែលមាននៅក្នុងភូមិបុណ្យភូមិ បុណ្យដាលាន បុណ្យឆ្លងផ្លូវ បុណ្យអ្នកតា

                                     

4. អាសកាសធាតុ

អាកាសធាតុប្រែប្រួលទទួលខ្យល់មូសុង ។ ក្ដៅហើយសើមពេលខ្លះក្ដៅខ្លាំងពេលខ្លះក្ដៅល្មម ។ ចាប់ពី វិច្ឆិការដល់ខែកុម្ភះ និង មានរដូវលំហែរមានប្រាំង និង វស្សា ចាប់ ខែមិនា ដល់ខែឧសភា រដូវភ្លៀង មានចាប់ពី ខែមិថុនា ដល់ខែតុលា។ ​នៅ​ថ្ងៃដែលក្តៅ មានកំដៅរហូតទៅដល់ ៣៧អង្សា ហើយបើត្រជាក់ជាងគេវិញមានរហូត ២១អង្សា ។

                                     

5. ការអប់រំ

នៅភូមិរលួសនេះពុំសូវមានការអប់រំប៉ុន្មានទេ ព្រោះគ្រួសារខ្លះមានជីវភាពខ្វះខាត់ពុំសូវអោយកូនទៅរៀននោះទេ ខ្លះបានរៀនត្រឹមថ្នាក់ទី៩ ទី១០ប៉ុនោះហើយត្រូវទៅជួយរកប្រាក់ឪពុកម្ដាយដោយធ្វើការងារផ្សេងៗ ។​ ខ្លះទៀតគ្រួសារមានជីវភាពមធ្យមអាចឲ្យកូនរបស់គាត់ទៅរៀននៅវិទ្យាល័យខ្លះទៀតបន្តនៅកលកវិទ្យាល័យ។

                                     

6. ការអភិវឌ្ឍន៏

ចំពោះការអភិវឌ្ឈន៍ចំពោះវិញមានភាពរីកចំរើននិងងាយស្រួលជាងមុន ដោយមានផ្លូវលំ​ មន្ទីរពេទ្យ ​​ ។ ចំពោះផ្នែកសន្ដិសុខវិញមានសណ្ដាប់ធ្នាប់ល្អ​​ គ្នានអំពើលួចឆក់ប្លន់ ដែលប៉ះពាល់ដល់ការប្រកបរបរប្រជាជនឡើយ ​។ ​មិនត្រឹមតែប៉ណ្ណោះប្រព័ន្ធអគ្គីសនីវិញមានស្ទើគ្រប់ផ្ទះ និង មានទឹកគ្រប់គ្រាន់សម្រាប់ប្រើប្រាស់ក្នុងជីវភាពប្រចាំថ្ងៃ។